ڈپٹی کمشنر لوئر جنوبی وزیرستان کے مطابق سرحد پار سے فائرنگ اور مارٹر گولہ انگور اڈہ بازار اور قریبی گھروں پر گرا، جس سے ایک شہری جاں بحق اور ایک ہی خاندان کے پانچ افراد زخمی ہو گئے۔ کئی دکانوں کو بھی نقصان پہنچا۔
سندھ کے وزیر داخلہ ضیاء الحسن لنجار نے ڈی آئی جی ساؤتھ سے اس وائرل ویڈیو پر رپورٹ مانگ لی ہے جس میں بظاہر مسلح افراد ڈیفنس کے مختلف علاقوں میں راہگیروں کو اسلحے کے زور پر ڈرا دھمکا رہے ہیں۔
سندھ میں پانی اور زمین کے حساب کتاب سے متعلق ایف اے او کی ایک تحقیق کے مطابق صوبے میں نہری پانی کی تقسیم کا پرانا موسمی نظام اب پانی کی دستیابی اور رسائی پر مبنی نظام میں بدل چکا ہے، جس سے انتظام مزید پیچیدہ ہو گیا ہے۔
کراچی پریس کلب میں پریس کانفرنس کے دوران منتظمین نے اعلان کیا کہ دو روزہ سندھ انرجی اینڈ کلائمیٹ کانفرنس 3 اور 4 نومبر کو منعقد ہوگی۔
پیپلز پارٹی کے چیئرمین بلاول بھٹو زرداری نے منگل کو کراچی کے علاقے لیاری میں ایک تقریب سے خطاب میں کہا کہ سندھ اسمبلی نئے صوبے کے مطالبے کا معاملہ ختم کر چکی ہے اور سندھ کے مستقبل کا فیصلہ صرف سندھ کے عوام کر سکتے ہیں۔
وفاقی وزیر توانائی اویس لغاری کا کہنا ہے کہ حکومت اس طریقہ کار کو ختم کرنے پر کام کر رہی ہے جس کے تحت ایک مہینے میں 200 یونٹ سے ایک یونٹ بھی زیادہ استعمال کرنے والے صارفین کو اگلے چھ ماہ تک زیادہ نرخوں پر بل دیا جاتا ہے۔ یہ معاملہ مسلم لیگ (ن) کے سینیٹر عابد شیر علی نے اٹھایا تھا۔
پاکستان نے مطالبہ کیا ہے کہ اقوام متحدہ کی سلامتی کونسل کے مستقل ارکان کو حاصل ویٹو کا اختیار ختم یا محدود کیا جائے، کیونکہ اس کے استعمال سے کونسل ادارہ جاتی جمود کا شکار ہو چکی ہے۔
