سپارکو کے زیر اہتمام خلائی ٹیکنالوجی سے قبل از وقت وارننگ پر عالمی کانفرنس

سپارکو نے خلائی ٹیکنالوجی کے ذریعے قبل از وقت وارننگ، موسمیاتی اقدامات اور آفات کے خطرات کے جائزے پر پانچ روزہ بین الاقوامی کانفرنس کا آغاز کر دیا ہے جو 27 سے 31 اکتوبر تک جاری رہے گی۔

وفاقی وزیر منصوبہ بندی احسن اقبال نے کہا کہ پاکستان قبل از وقت وارننگ کے نظام کو مضبوط بنانے کے لیے خلائی ٹیکنالوجی، سیٹلائٹ نگرانی اور مصنوعی ذہانت سے فائدہ اٹھانا چاہتا ہے۔ انہوں نے بتایا کہ 2022 کے سیلاب سے جی ڈی پی کے تقریباً 2.2 فیصد کے برابر براہ راست نقصان ہوا۔

کانفرنس میں 20 ممالک کے تقریباً 250 شرکاء شریک ہیں، شراکت داروں میں اقوام متحدہ کا خلائی امور کا دفتر، آئی ٹی یو اور ورلڈ فوڈ پروگرام شامل ہیں۔ اس کے بعد 2 سے 6 نومبر تک کامسٹیک سیکریٹریٹ میں تربیتی کورس ہوگا۔