موسم لاہور ایک بار پھر دنیا کا آلودہ ترین شہر، ایئر کوالٹی انڈیکس 358
آئی کیو ایئر کے مطابق بدھ کو لاہور ایک بار پھر دنیا کا آلودہ ترین شہر رہا اور مجموعی ایئر کوالٹی انڈیکس 358 ریکارڈ کیا گیا۔
علامہ اقبال ٹاؤن میں سب سے زیادہ 605، پیراگون سٹی میں 372 اور ماڈل ٹاؤن میں 279 ریکارڈ کیا گیا۔ آسمان صاف رہا اور درجہ حرارت 16 سے 31 ڈگری کے درمیان رہا۔
ماہرین نے شہریوں کو باہر کم نکلنے، ماسک پہننے اور مسلسل کھانسی یا سینے میں جکڑن کی صورت میں ڈاکٹر سے رجوع کرنے کا مشورہ دیا ہے۔ بچوں، بزرگوں اور دمے کے مریضوں کو زیادہ احتیاط کرنی چاہیے۔
https://urdu.voiceofsindh.live/lahore-most-polluted-aqi-358/
