محکمہ موسمیات: ہفتہ خشک رہے گا، کراچی کا پارہ 40 تک جا سکتا ہے

محکمہ موسمیات کے مطابق 19 سے 24 اکتوبر تک ملک کے بیشتر حصوں میں موسم خشک رہے گا، صرف گلگت بلتستان، چترال، کشمیر اور بالائی خیبر پختونخوا میں کہیں کہیں ہلکی بارش کا امکان ہے۔

کراچی میں پیر کو درجہ حرارت 38 سے 40 اور منگل کو 39 سے 41 ڈگری تک رہنے کی پیشگوئی ہے جبکہ تھرپارکر کے شہر مٹھی میں پارہ 43 ڈگری تک جا سکتا ہے۔ لاہور میں 31 سے 34 اور اسلام آباد میں 29 سے 31 ڈگری متوقع ہے۔

کراچی اور اندرون سندھ کے شہریوں کو زیادہ پانی پینے اور دوپہر کے وقت مشقت سے بچنے کا مشورہ دیا گیا ہے۔ وسطی پنجاب میں اسموگ کے باعث روزانہ فضائی معیار دیکھنے کی ہدایت کی گئی ہے۔