پاکستان مہمند میں انسداد پولیو ٹیم کی سیکیورٹی پر مامور 2 پولیس اہلکار فائرنگ سے شہید
مہمند: انسداد پولیو کی ٹیموں کی سیکیورٹی پر مامور دو پولیس اہلکار فائرنگ کے نتیجے میں شہید ہوگئے۔
مہمند میں انسداد پولیو ٹیم پر فائرنگ سے 2 پولیس اہلکار شہید ہوگئے۔
پولیس کے مطابق نامعلوم مسلح ملزمان نے مہمند کے علاقے ڈاگ تمانزئی میں انسداد پولیو مہم کی ڈیوٹی پر جانے والے پولیس اہلکاروں پرفائرنگ کی، جس سے 2 پولیس اہلکار موقع پر ہی شہید ہوگئے۔
پولیس کے مطابق ملزمان کی فائرنگ سے ایک اہلکار زخمی بھی ہوا جسے فوری طبی امداد کے لیے اسپتال منتقل کردیا گیا۔
پولیس کا کہنا ہے کہ ملزمان کی گرفتاری کے لیے علاقے کی ناکہ بندی کردی گئی ہے۔
https://urdu.voiceofsindh.live/two-police-officers-deployed-to-protect-an-anti-polio-team-martyred-in-a-firing-incident-in-mohmand/
