کراچی کراچی میں گھریلو صارفین کے لیے گیس فراہمی کے نئے اوقات مقرر
کراچی: سوئی سدرن گیس کمپنی نے شہر میں گھریلو صارفین کو گیس کی فراہمی کے اوقات کار میں تبدیلی کردی ہے، جس کے تحت اب صارفین کو دن میں تین مختلف اوقات میں گیس فراہم کی جائے گی۔ کمپنی کی جانب سے جاری کردہ اعلامیے میں نئے شیڈول سے متعلق تفصیلات جاری کردی گئی ہیں۔
اعلامیے کے مطابق گھریلو صارفین کو صبح ساڑھے 6 بجے سے صبح 9 بجے تک گیس فراہم کی جائے گی جب کہ دوپہر کے اوقات میں 12 بجے سے ڈھائی بجے تک گیس کی فراہمی جاری رہے گی۔ اسی طرح شام کے وقت صارفین کو 6 بجے سے رات 9 بجے تک گیس دستیاب ہوگی۔
سوئی سدرن گیس کمپنی کے نئے شیڈول کے تحت صارفین کو مجموعی طور پر روزانہ ساڑھے سات گھنٹے گیس فراہم کی جائے گی۔ گیس فراہمی کے اوقات میں تبدیلی کے بعد گھریلو صارفین کو کھانا پکانے سمیت روزمرہ ضروریات کے لیے مقررہ اوقات کے دوران ہی گیس استعمال کرنا ہوگی۔ کمپنی کی جانب سے جاری اعلامیے میں نئے اوقات کار سے آگاہ کیا گیا ہے۔
https://urdu.voiceofsindh.live/new-gas-supply-timings-announced-for-domestic-consumers-in-karachi/
